Tuesday, November 16, 2010

သူ့မယား ငါ့မယား အခန်း(၄)

ထိုနေ့ နံနက် ကောက်ညှင်းပေါင်းစားကြရင်း မောင်မြမှာ ကောက်ညှင်းပေါင်းကိုဆုပ်လျှက် တစ်ခါတစ်ခါ ငေးမော တွေးတောသလိုဖြစ်၍နေလေ၏။ အိမ်ရှင်လင်မယား နှစ်ယောက်မှာ တစ်ယောက်ိုတစ်ယောက် လက်တို့ကာ ၄င်းကိုသာကြည့်လျက် ရယ်ချင်သောစိတ်ကို ချုပ်၍ထားကြရလေ၏။

                  မှုန်  ။     ။  “စားပါတော့....ဘာများငေးနေရတာလဲ၊ ဒီရေရောက်မှ ဘာများတွေးကြောက် နေရတာလဲ၊ သင်းလည်း ဒီလောက်တောင် လူမိုက်ကြီး မဟုတ်ပါဘူးတော့။ ဟိုရွာမှာသာ သူ့အဖော်တွေနဲ့ ရွာကျယ်လုပ်နေတာပါ၊ မင်းမဲ့တိုင်းပြည်မဟုတ်ပါဘူးတော့ ၊ ရှင် ဒီလောက်ကြောက်ရင် ဘာပြုလို့ ကျုပ်ကို အတင်းခေါ်လာရတာလဲ ၊ လုံချည်ချင်း လဲဝတ်လိုက်ချင်ပါရဲ့၊ သိတ္တိကို ပြလိုက်ချင်စမ်းလှတယ်”

                 အိမ်ရှင် မိန်းမက......

“ကြောက်လို့မဟုတ်ပါဘူး၊ ဖိုးကြောင်ကို ဘယ်လိုသတ်ရရင် ကောင်းမယ်ဆိုတာ စဉ်းစားတာပါ”
                 မောင်မြသည် ထရံကို လှန်၍ကြည့်လေ၏။ ဓားနှစ်စင်းကို မတွေ့ရတော့ပေ။
ထိုအတွင်း ဗိုက်ပူနံကား အင်္ကျီမပါ လုံချည်အနီကလေးများကို ခါးသိမ်းအောင်စည်းလျက် ကလေး နှစ်ယောက် သည် ဓါးတစ်လက်စီနှင့် တစ်ယောက်ကိုတစ်ယောက် လိုက်ဟန် ပြေး၍လာကြပြီး ရုင်ရှင်စတိုင် ပါပါ ဓားသိုင်းပြ၍ နေကြလေ၏။ မောင်မြသည် သေချာစွာစိုက်၍ကြည့်ပြီး......

                 “ဓားတွေက တူလည်း တူပေတာကိုး၊ တကယ့်ဓားလိုပဲ” ဟု ပြောလေ၏။ အတန်ကြာလျှင် ကလေးနှစ်ယောက်သည် နှုတ်နှင့် ပြာရောစပ်ကာ ခြယ်၍ထားသော ကြောင်ကျားသော မျက်နှာများနှင့် ကောက်ညှင်းဝိုင်းကို ၀င်ကာ နှာခေါင်းများကို လက်မောင်းနှင့်သုတ်ဆွဲပြီး မည်းနက်သောလက်များနှင့် ကောက်ညှင်းပေါင် ကိုင်ဆုပ်လိုက်ရာ ကောက်ညှင်းပေါင်း အတောင့်များ ရွှံ့တုံးလို ဖြစ်၍သွားလေ၏။

                “သွား....မျက်နှာသစ်ချေ၊ လက်ကိုစင်အောင်ဆေး ၊ မိုးမလင်းသေးဘူး၊ ဘယ်ပြာပုံမှာများ ဓားသိုင်းပြလာကြတဲ့ ရုပ်ရှင်မင်းသားတွေလဲ မသိပါဘူး၊ သူက ဘတင့်တော့၊ ဟောဟိုက မောင်မောင်ဧ ပေါ့၊ ရွာကျော်တွေ ဓားသိုင်းမှာတော့ ၀ိတ်၊ ရှင့်သားတွေကို မပြောဘူးလား” ဟု ယောက်ျားအား လှမ်းအော် ပြောလေ၏။ ကလေးနှစ်ယောက်လည်း ဓားများကိုလွှတ်ချ လက်ဝါးများကို ဖြန့်ကြည့်ပြီး တင်ပါးကိုသုတ်ရင်း ကြမ်းပြင်သို့ ပြေးဝပ်လေ၏။

                 အတော်ကလေး နေမြင့်သောအခါ ဘိုးကြောင်နှင့် မယ်စံ စုံတွဲလျှောက်၍လာကြရာ အိမ်ရှေ့သို့ ရောက်လာကြလေလျှင် မယ်မှုန်နှုင့်မောင်မြ အတူထိုင်လျက်နေသည်ကို မြင်ရလေ၏။

                 မယ်စံသည် ချာခနဲလှည့်ထွက်ပြီး လွတ်ရာသို့ ကွင်းသွားလေ၏။ ဘိုးကြောင်ကား ရပ်လျက် ၄င်းတို့ကို ကြည့်၍နေပြီးမှ မျက်လုံးများ ၀င်းဝင်းတောက်လျက် ခေါင်းပေါင်းကို ပြင်၍ ဆံပင်နှင့်ရောပေါင်း ကာပတ်ပြီး ၄င်းတို့ရှိရာသို့ တူရူလာပြီးမယ်မှုန်အား စားတော့ ၀ါးတော့မည့်ကျားလို ကြည့်ကာ ဆဲဆိုရေ ရွတ်လျက်.....

                “နင် ဒီမှာ ဘာလုပ်တာလဲ၊ ဒီအကောင်နဲ့ အတူလာတာလား၊ အခု အိမ်ပေါ်ကဆင်း” ပြောကာ လက်ကို အတင်းဆွဲ၍ချလိုက်ရာ မယ်မှုန်သည် အိမ်ရှေ့သို့ ခေလျက်ကျသွားလေ၏။ ထို့နောက် ဆဲဆိုရေ ရွတ်ရင်း မယ်မှုန်ကို ခြေနှင့်ကန်ကျောက်လေ၏။

                 မောင်မြမှာ တစ်ကိုယ်လုံး ဆတ်ဆတ်တုန်လျက်နေလေ၏။ တစ်စုံတစ်ရာမလုပ်၊ အိမ်ပေါ်မှ ဆင်းပြီး ကျောက်တိုင်ပမာ မတ်တပ်ရပ်လျက်နေလေ၏။ အိမ်ရှင်လင်မယား နှစ်ယောက်က လာ၍ဖြေလေ၏ ဘိုးကြောင်သည် မယ်မှုန်ကိုလွှတ်ပြီး မောင်မြကိုကြည့်ကာ ဘာညာ စသည်ဖြင့် ဆဲဆိုရေရွတ်ခြင်းများ ပြုပြီး..................
                “လူပါးဝလို့ ၊ မင်း ငါ့အကြောင်းကို သိရဲ့လား” ဟု ပြောကာ မောင်မြမျက်နှာကို လက်ဝါးနှင့် တီးလိုက်ရာ မောင်မြသည် ဒေါထလျက် တစ်ချက်ပြန်ထိုးလေ၏။ ထိုအခါ ဘိုးကြောင်သည် နောက်သို့ ယိုင်လဲတော့မလို ဖြစ်သွားပြီး ရှူးတူးရှားတား လက်နက်တစ်ခုခုကို ရှာသလို အိမ်အောက်၌ တောင်ဆွဲ မြောက်ကိုင် လုပ်လေ၏။

                 ထိုအခိုက် မောင်မြသည် ကလေးများချ၍ ထားသော ၀ါးဓားခြမ်း နှစ်လက်ကို ပြေး၍ ကောက်ပြီး ကျစ်ဆံနီ နတ်ပူးသလို ဓားတစ်လက်စီကိုင်သော လက်နှစ်ဖက်ကိုမြှောက်ကာ ဒူးနှစ်ဖက်ကို ကွေးလျက် မင်းသားကြီး လေးကင်းပြသလို တစ်ချက်၊ နှစ်ချက်ခုန်ပြီး ကြိမ်း၍ ၀က်ရူးပြန်လိုက်လေ၏။

                 အိမ်ရှင်က......

“ဟေ့ကောင်....ပြေး၊ မပြေးသေးဘူးလား၊ မ စိတ်နော်၊ လူကောင်းထမှ ကြောက်ရတာ” ဟု ပြောလိုက်လေ၏။ အိမ်ရှင်မိန်းမကလည်း........

                 “လာကြပါဦး.... သတ်ကုန်ပြီ၊ ဓားတွေနဲ့” ဟု ထိတ်လန့်တကြား အသံကုန် အော်လေ၏။

မယ်မှုန်ကလည်း

                “ရှင် ပြေး ၊ သေလိမ့်မယ်” ဟု ပြောရာ ဘိုးကြောင်သည် ဖနောင့်နှင့် တင်ပါး တစ်သားတည်း ဖြစ်အောင် ကဆုန်ပေါက်၍ပြေးလေ၏။

                 ထိုအခါ မောင်မြသည် ဓားနှစ်လက်ကိုထောင်ကာ ခုန်ပေါက်လျက် တအားအော် လိုက်လေ၏။ မယ်မှုန်က.......

                 “ဆွဲကြပါဦး၊ လုပ်ကြပါဦး ၊ အမယ်လေး....” စသည်ဖြင့် မျက်ကလဲဆန်ပျာ အော်လျက် ရင်ထု ကာ ပြေး၍ လိုက်လေ၏။ ရွာသူရွာသားများလည်း ဓားကိုကြောက်သဖြင့် မည်သူမျှ မကပ်ဝံ့ပဲနေရာ မယ်မှုန် နှင့် အိမ်ရှင်လင်မယားသည် မောင်မြကို ပြေး၍ ဖက်ကြပြီး......

                 “မလုပ်ပါနဲ့ ၊ သူသေရင် သေစားသေရမှာ” စသည်ဖြင့် ပြောဆို တောင်းပန်ကြလေ၏။ မယ်မှုန်ကား ဓားနှစ်လက်ကို လုယူပြီး အိမ်ကိုပြန်လေ၏။ ဘိုးကြောင်မှာ အဘယ်သို့ရောက်သည် မသိရ ၊ အစအန မမြင်ရတော့ပေ၊

                 မကြာမီ ကာလသား အကြီး၊ အငယ်၊ အရွယ်၊ အလတ်ဟူသမျှတို့ ရောက်လာကြရာ ၄င်းတို့ အနက် တစ်ယောက်က.... “ ဟာ တစ်ခြားလူမှတ်လို့ ကိုယ်တို့ ကိုမြကြီးပါကလား၊ ဘယ့်နှယ်ဖြစ်တာတုန်း ၊ အင်မတန်သဘောကောင်းတာပဲ၊ ဘိုင်စကယ်တစ်စင်းနဲ့ ရောက်ရာနေရာမှာ တွေ့သမျှလူတိုင်း ခင်မင်တဲ့ လူပဲ၊ အခု ဘယ်လိုဖြစ်တာလဲ၊ မခုတ်တတ်တဲ့ကြောင်ကြီးပါ” ဟု ပြောလေ၏။ တစ်ယောက်က.......

                 “မခုတ်တတ်တဲ့ ကြောင်မျိုးမှ ကြောက်စရာ ကောင်းတာကလား” ဟု ပြောလေ၏။ ထိုအခါ မောင်မြ တည်းသေားအိမ်ရှင်က အဖြစ်အပျက်ကို ပြော၍ပြရာ အားလုံးကပင်....

                 “ဟာ... ဒီလိုဖြင့် ဟိုအကောင် လွန်တာပေါ့၊ အင်မတန် မတရားတာပဲ၊ ကိုမြကြီးကို မခုတ်တတ် တဲ့ကြောင်ရယ်လို့စော်ကားတာပေါ့၊ ကိုမြကြီးကလည်း ကြံကြံဖန်ဖန် ကလဲ့စားချေပုံ သိပ်ဟန်ကျတာပဲ၊ သူမို့ စိတ်ကူးရတယ်” စသည်ဖြင့် သူတစ်ခွန်း ငါတစ်ခွန်းပြောကြလေ၏။ မခုတ်တတ်သော ကြောင်ကြီးသည် ခဏချင်းတွင် သူရဲကောင်းကြီးအဖြစ် ရောက်လေရာ ၄င်း၏ ကတ်ကြေး ၊ ၄င်း၏ ဘီးနှင့် မကင်းသောကာလသား ဟူသမျှသည် ၄င်းအား ၀ိုင်း၍ အားပေးကြရုံမက ဘိုးကြောင်ကိုပင် ၀ိုင်း၍ ရိုက်နှက် သတ်ပုတ်ကြမလို ပြောဆို ကြိမ်းမောင်းစ ပြုလေ၏။

                မောင်မြက...... “ ကျုပ်လည်း မခံချင်လို့ ဒေါသအလျောက် သင်းစော်ကားအားကြီးလို့ လုပ်မလို့ ကြံလိုက်မိတာပဲ၊ ကံကြီးလို့ပေါ့၊ နို့မဟုတ်ရင် ဒီအကောင် ပွဲချင်းပြီးသေမှာပဲ၊ သူသေရင် ကိုယ်လည်း သေမှာပဲ၊ အားလုံးက ၀ိုင်းပြီး ကာကွယ်ကြလို့ပေါ့၊ တော်ပါပြီ... သူ့ကိုလည်းထပ်ပြီး ရန်မလို တော့ပါဘူး၊ ဓား ဘေးက သင်း လွတ်သော်လည်း ကျုပ်လက်သီးက အင်မတန်ပြင်းတာ၊ တော်တော်နဲ့ ထနိုင်မှာ မဟုတ်ပါဘူး၊ သူတို့ဘာသာ သူတို့ နေပါစေတော့လေ၊ မကောင်းတဲ့ကောင်မ မကောင်းတဲ့ အကောင်နဲ့တွေ့တာပေါ့ မဟုတ်လား၊ သူ မကောင်းတဲ့ ကောင်မကိုရတယ်၊ ကျုပ်က အကောင်းရတယ်၊ ကျုပ်က မြတ်ပါသေးတယ်၊ ဟိုကောင်မလေး ကလေးပါမသွားဘူး၊ မယ်မှုန်လည်း သားသမီးမရှိ ကိုယ်လွတ် ချည်းပါပဲ၊ ၀မ်းနည်းစရာမရှိပါဘူး” စသည်ဖြင့် မောင်မြက ပြောလေ၏။

                 ငကြောင်တို့ လင်မယားလည်း ရွာသားများ၏ ခြိမ်းခြောက်ခြင်းကို လည်းကောင်း၊ တစ်နေ့နေ့၌ မောင်မြ၏ ဓားနှင့်တွေ့မှာ ကြောက်သောကြောင့်တစ်ကြောင်း ၊ မိမိတို့ တည်းခို၍ နေသော အိမ်မှ မထွက်ဝံ့ပဲ နေကြလေ၏။

                 ထိုအတွင်း မောင်မြ၏ သူရသတ္တိကို ကြည်ညိုသော ကာလသားများသည် မောင်မြကို မိမိတို့ ရှေ့၌တင်ကာ ငကြောင်တို့လင်မယားရှိနေသော အိမ်ရှေ့မှာ နေ့ရောညရောသံချပ်များ ထိုးလျှက် ဆူညံ၍ နေကြလေ၏။ နောက်သုံးရက်လောက် ကြာသောအခါ နှစ်ယောက်စလုံး ထိုရွာမှ ထွက်ခွါ၍ သွားကြလေ သတည်း....။

                ထိုအခါ ရွာသားများက မောင်မြနှင့် မယ်မှုန်အား.... “ ခင်ဗျားတို့ ဘယ်ကိုမှ မသွားရဘူး၊ ကျုပ်တို့ရွာမှာပဲ ဆံပင်ညှပ်ဆိုင်နဲ့ ဘိုင်စကယ်၊ အပ်ချုပ်စက်၊ သော့များကို ပြင်သောဆိုင်တစ်ခု ဖွင့်ပြီးနေရ မည်။ ကိုမြကြီးအိမ်မှာရှိတဲ့ ပစ္စည်းများကို ကျုပ်တို့သွားပြီး လှည်းနှင့်သယ်မယ်” ဟု ပြောကြသဖြင့် ထိုရွာမှာ ပင် အတည်တကျနေကြရတော့လေသတည်း။ မောင်မြ၏ အိမ်မှာ သူကြီးပိုင် အိမ်လွတ်ကို ငှား၍ နေသော အိမ်ဖြစ်ရာ ခွင့်ပြုလိုက်ရလေ၏။




ဆက်လက်ဖော်ပြပါမည်............... ယခု ရက်ပိုင်းအတွင်း တစ်ကယ်ကို အလုပ်အရမ်းများနေ၍ တင်ပေးချင်တာလေးများကို မြန်မြန်ဆန်ဆန် မမျှဝေနိုင်သေးသည်ကို နားလည်ခွင့်လွှတ်စေချင်ပါသည်။

3 comments:

:P said...

အလုပ်ပါးရင် တင်ပေးပါ.. :P

ငွေလမင်း said...

အခု နဲနဲ အားလို့ လာဖတ်တယ်နော်
အားရင် ထပ်တင်ပေးအုန်း
ဘာဆက်ဖြစ်ကြမလဲ သိချင်တယ်

ကိုဇော် said...

အခုမှပဲ ဆက်ဖတ်နိုင်တော့တယ်။
ကဲ...လာလေ့ နောက်တပိုင်း..

Post a Comment

ဒီကနေ့ ဘွဲ့ရပြီး မနက်ဖြန် စာမဖတ်လျှင် သန်ဘက်ခါ စာမတတ်ဖြစ်သွားမည်။

စာချစ်သူ ဘော်ဘော်တွေနဲ့ ကျွန်တော့်အတွက် ဆက်သွယ်မှု ဧရိယာ ငယ်လေးပါ။

တည်ဆောက်တဲ့ နှစ် ၂၀၀၈။ အသက်သွင်းတယ် ၂၀၁၀

free counters

ထိပ်ဆုံးသို့

Twitter Delicious Facebook Digg Stumbleupon Favorites More