Saturday, July 9, 2011

စာရေးပျင်း အနုပညာ (သို့) ကျွန်တော် စာမရေးရခြင်း အကြောင်း

စာဖတ်နိုင်ကြသူများထဲတွင် စာရေးသူများအနည်းငယ်တွေ့ရသည်။ သူတို့ ဘာကြောင့် စာရေးခြင်းကို ကျွန်တော် မသိရပေမယ့် စာရေးသူအနည်းငယ်မျှသာ စာဖတ်နိုင်ကြသူများထဲမှ ပေါ်ထွက်လာခြင်းကို ကြည့်ခြင်းဖြင့် စာရေးရန် အတွက် လုံလောက်သော အားထုတ်မှု လိုအပ်သည်ကို သိရှိနိုင်သည်ဖြစ်သည်။ရေးချင်၍ရေးသူ ရှိသလို၊ရေးရန်လိုအပ်၍ ရေးသူများလည်း ရှိမည် ဖြစ်သည်။သူတို့ ရေးလျှင် ကျွန်တော်က ဖတ်မည်သာ ဖြစ်သည်။ စာရေးသူသည် စာများများဖတ်ရန် လိုသည်ဟု ဆိုကြသဖြင့် စားများများဖတ်ထားသူများ စာရေးသင့်သည်ဟု ဆိုလျှင် ညီမျှခြင်းချကြည့်၍ မှန်မည် မဟုတ်ပေ။

စာရေးရန် လက်ချောင်းကလေးများ မရှိသော်လည်း ရေးချင်သူအဖို့မှာ ခြေချောင်းများဖြင့် အားထုတ်ရှာသည်။ မျက်စိမမြင် သော်လည်း ဖောင်းကြွ သင်္ကေတဖြင့် ရေးကြပြန်သည်။ စာရေးလိုစိတ် ပြင်းပြခြင်းကို အံ့သြမိသည်။

မိမိစာကို ဖတ်သည်ဖြစ်စေ ၊ မဖတ်သည် ဖြစ်စေ နေ့စဉ်ရေးသားနေကြသူများ ရှိကြသေးသည်။ မနေနိုင်၍ ပဲ ရေးရေး ၊ ရေးချင်၍ပဲ ရေးရေး စာရေးဖို့ အချိန်ပေးရခြင်း၊ လက်ချောင်းများညောင်းအောင် နှိပ်စက်ရခြင်းဖြင့် ကြိုးစားအားထုတ်နေကြသည်ကို ကျွန်တော်တို့က ဖတ်ရှုပေးခြင်းဖြင့် ချီးမွမ်းဂုဏ်ပြုကြသေးသည် ဟု ယူဆသည်။

စာရေးရာတွင်လည်း မိမိတို့ သန်သလို ကဗျာ၊ ၀တ္တု၊ အလင်္ကာ၊ ရသ၊ ဟာသ၊ အချစ်၊စွန့်စား၊ထူးခြား၊ သိပ္ပံ စသည်ဖြင့် ရေးကြသလို ဆောင်းပါ၊ အတ္ထုပတ္တိ၊ ဓမ္မ၊ ကြော်ငြာ မျိုးစုံသော ပုံစံဖြင့်ရေးသည် ကို တွေ့ရသည့်အပြင် နို့တစ်စာ ၊ခြိမ်းခြောက်စာ၊ ဆင့်ခေါ်စာ၊ ရည်းစားစာကဲ့သို့သော စာများအပြင် အပေါ့ အလေသွားရင်း လက်ကိုနေရာမထားတတ်သောကြောင့် နံရံတွင် ဟိုခြစ် သည်ခြစ်ဖြင့် အယားဖြေတတ်သော စာရေးသူများကိုလည်း တွေ့ရသည်။

အကြောင်းအရာကို ဖြစ်စေ၊ အတွေးအခေါ်ကို ဖြစ်စေ၊ သတင်းအချက်အလက်ကို ဖြစ်စေ၊ တင်ပြလိုသည့် အကြောင်းအရာကို ပုံစံမျိုးစုံဖြင့်လည်း ရေးသားတင်ပြတတ်ကြသေးသည်။ ထိုကဲ့သို့ လူမျိုးပေါင်းစုံ စာပေါင်းစုံများကို ရေးဖွဲ့ပုံ ပုံစံမျိုးစုံဖြင့် ရေးသားနေကြသည်ကို တွေ့ရသော်လည်း ထိုအလုပ်အပေါ် အားကျသော စိတ် မိမိထံတွင် ရိုးတိုးရိတ်တိတ်မျှပင် မဖြစ်ခဲ့ပေ။

အပေါင်းအသင်းများကလည်း စာရေးရန် တိုက်တွန်းခြင်း မရှိပေ၊ ရှိပါကလည်း အပေါင်းအသင်းကို အားနာ၍ ရေးဖြစ်မည် မထင်ပါ။ ရေးစရာ အကြောင်းအရာမရှိ၍လည်း မဟုတ်ပါ။ ရေးစရာ အဆင်သင့်မရှိ၍ လည်းမဟုတ်ပါ။ အထင်မကြီး၍လည်း မဟုတ်၊ ၀ါသနာ မပါ၍လည်းမဟုတ်ပါ။ ဘာမှမဟုတ်ရင်လည်း မရေးနဲ့ပေါ့ဟု ဆိုလျှင်လည်း မရေးဘဲ နေမည်သာဖြစ်သည်။ စာရေးရမည်ထက်စာလျှင် ပါးစပ်ဖြင့်ပြောလိုက် ခြင်းက လိုချင်သော အကြောင်းအရာနှင့် အချက်အလက်ကို အားပါးတရ တင်ပြနိုင်သည်ဟု ယူဆသည်ကလည်း တစ်ကြောင်း၊ စာရေးထားခြင်းသည် ကာလတစ်ခုအထိ တည်ရှိနေနိုင်သော သဲလွန်စ အထောက်အထားကဲ့သို့ ခြေရာလက်ရာမျိုး မကျန်ခဲ့စေချင်သည်က တစ်ကြောင်း။ (မယုံလျှင် မိမိတို့ ရည်းစားစာများကို ပြန်ဖတ်ကြည့်လျှင် တွေ့ကြရလိမ့်မည်။) ( မိမိကိုယ်တိုင် ထိုခြေရာလက်ရာများကို ယခုထိ မျက်နှာ ပူရဆဲဖြစ်သည်)

အဓိက အချက်မှာ စာရေးရမှာကို ပျင်းလွန်းခြင်းကြောင့် မရေးခြင်းဖြစ်သည်။ အနည်းဆုံး အက္ခရာတစ်လုံးကိုပင် လေထဲတွင် “ ၀ ” ဖြစ်အောင် မ၀ိုင်းဘူးပေ။ ငယ်စဉ်ကတည်းက စာရေးလျှင် “ သည် ” တစ်လုံးကို အဆုံးတွင် ရအောင် ကပ်ရေးပြီး နောက်တစ်ကြောင်းဆုံးတိုင်း ထိုသည် အောက်မှပင် တူညီအမှတ်လေး အဖြစ် တုတ်ချောင်းတစ်ချောင်းသာ ဆွဲခဲ့သည်ကို အမှတ်ရမိသေးသည်။ တူနေသော ၀ါကျပါလျှင်လည်း ထိုအတိုင်းပင် ကြက်ခြေပြခဲ့ရာ စာမေးပွဲဖြေချိန်တွင် ဘာသာရပ်တိုင်းလိုလိုကို ပြန်ကူး ခဲ့ရပေါင်းများလှပေသည်။

မရေးမဖြစ် ရေးရလျှင်တောင် သုံးကြောင်းထက်ပိုလျှင် ပုဒ်မတောင် မချချင်တော့လောက်အောင် ပျင်းခဲ့သည်။ မိဘ နှစ်ပါးက ကြေးနန်းဌာနတွင် အလုပ်သွင်းပေးမည် တကဲကဲဖြင့် ကျွန်တော့် အကျင့်ကို ထောပနာ ပြုခဲ့ဖူးသည်။ သူငယ်ချင်း တစ်ယောက်က ပြောဖူးသည်။ မင်း သူများကို ဆဲချင်ရင် ပါးစပ်နဲ့ပဲဆဲတဲ့၊ စာရေးပြီးဆဲကြည့်ပါလား တစ်သက်လုံးမင်းကို အယုတ္တအနတ္တကောင်ဆိုပြီး လူတိုင်းသိအောင် လျှောက်ပြမှာပေါ့တဲ့။ နမူနာကောင်းကို မှတ်တတ်သော ကျွန်တော့်အကျင့်က ထိုအတွေး အခေါ်ကို မှတ်ယူထားလိုက်သဖြင့် စာရေးရမှာလည်း ကြောက်လာပါသည်။

ချွင်းချက်အနေဖြင့် တစ်ခါတော့ စာရေးချင်စိတ် ဖြစ်ခဲ့ဖူးသည်ဟု ၀န်ခံပါသည်။ မည်သည်အကြောင်းဟု ဆိုရသော်.....................

ကျွန်တော့်ရည်းစား လင်နောက် ကောက်ကောက်ပါသွားချိန်ကဖြစ်သည်။ သစ်စိမ်းချိုးဆိုတော့ ထိုအချိန်က ဒေါသ တော်တော်ဖြစ်မိသည်။ ဒင်းစာတွေကို ပြန်ဖတ်ပြီး သူ့အစားရော ကိုယ့်အစားပါ ရှက်ပြီး မီးရှို့ရန် ကြံစည်ပြီးမှ ဒင်းစာတွေ စာမျက်နှာပေါ်တင်ပြီး အရှက်ခွဲလျှင် အင်မတန်မှ သင့်လျော်မည်ဟု တွေးမိပြီး မဂ္ဂဇင်းများကို ပို့သေးသည်။ သို့ရာတွင် သူများရည်းစားစာပေါ်တွင် ညွှန်းစာလေး တစ်ကြောင်း နှစ်ကြောင်းဖြည့်ပြီး ပို့ခြင်းဖြစ်ရာ အယ်ဒီတာတိုင်း ဒေါသထွက်ဖူးခဲသဖြင့် မည်သည့် မဂ္ဂဇင်းကိုမျှ မည်သည့် အကြောင်းဖြင့်ပင် ဖြစ်စေ ယနေ့တိုင် ခြေဦးမလှည့်ရဲတော့ပါ။

ထိုအချိန်လောက်ကပင် စာတို တစ်ကြောင်း နှစ်ကြောင်း ရေးခဲ့ဖူးပါသည်။ နောင်တွင်လည်း ရေးမည်မဟုတ်ပါ။ စာရေးရမှာ ပျင်းသော ကျွန်တော့်အတွက် မည်သည့်အကြောင်းအရာဖြစ်စေ စာလုံးအဖြစ် ပြောင်းလဲစေမည် မဟုတ်ပါ။ သူငယ်ချင်းများ ပြောခဲ့သလို ပါးစပ်ဖြင့်သာ ဆဲပါမည်။ မကြားနိုင်သူများ အဖို့ ကျွန်တော်သည် လူကောင်းဖြစ်နေမည်သာ ဖြစ်သည်။ စာတစ်ကြောင်း နှစ်ကြောင်း ကြောင့် တစ်သက်လုံးခေါ်မဖော် နိုင်သော ဘ၀ထက်စာလျှင် လုံးဝ စာရေးပျင်းသော၊ လုံးဝ စာမရေးဘူးသော ဘ၀က ပို၍ အဆင်ပြေစေ မည်ဟု ထင်သည်။ ထို့ကြောင့် ကျွန်တော် စာလုံးဝမရေးရခြင်းဖြစ်သည်ဟု အသိပေးလိုက်ရပါသည်

မှတ်ချက် ။ ။ စာမရေးရခြင်း အကြောင်းထဲမှာ လက်ညောင်းတာလည်းပါတယ်။

ဂြိုလ်ကော်


ဟားခလုတ် (3) မှ

6 comments:

Angelhlaing(May everybody be happy and healthy! said...

အကိုကတော့ လုပ်ပြီ...:):)

ရင်ဘတ်ထဲမှဆွဲထုတ်ထားသောအရာများ said...

စာရေးပျင်းတာကို စာတပုဒ်ဖြစ်အောင်ရေးထားတာပဲဗျာ့း)

မောင်ဘကြိုင်
နေပြည်တော်မှလာသည်

ကိုကိုမောင်(ပန်းရနံ့) said...

အရမ်းနေမကောင်း ဖြစ်နေတယ်။ အားလဲ အရမ်းနဲနေတယ်။ ဟေးးးးးးးးးးးးးး လို့တောင် မအော်နိုင်တဲ့ ဘ၀။း)))

ခင်မင်လျက်

Nyi Linn Thit said...

စာတွေ လိုက်ဖတ်နေတာကပဲ အတော်လေး အချိန်ပေးနေရပြီဆိုတော့ တခါတလေ အဲဒီလို ပျင်းနေတာလည်း ခပ်ကောင်းကောင်း ပါပဲဗျာ...၊း)

မဒမ်ကိုး said...

အင်းး.စာမရေးချင်ရင်လက်ရေးလှတော့ဘူးလေ..
ကွန်ပြူတာနဲပဲရိုက်လိုက်ပေါ့..
မပျင်းပါနဲ့..စာတွေလိုက်ဖတ်ချင်ပါတယ်
ခင်မင်လေးစားစွာဖြင့်

မဒမ်ကိုး

ဆူးသစ် said...

ရေးလွန်းတဲ့အချိန်မှာကျတော့ ဖတ်အားက ပြန်ကျနေပြန်ရောဗျ။ ဘော်ဒါကြီး ပျောက်နေလို့ လိုက်လာတာ။ တွေ့မယ့်တွေ့တော့ သူစာရေးပျင်းတာနဲ့ တွေ့နေပါလား။

Post a Comment

ဒီကနေ့ ဘွဲ့ရပြီး မနက်ဖြန် စာမဖတ်လျှင် သန်ဘက်ခါ စာမတတ်ဖြစ်သွားမည်။

စာချစ်သူ ဘော်ဘော်တွေနဲ့ ကျွန်တော့်အတွက် ဆက်သွယ်မှု ဧရိယာ ငယ်လေးပါ။

တည်ဆောက်တဲ့ နှစ် ၂၀၀၈။ အသက်သွင်းတယ် ၂၀၁၀

free counters

ထိပ်ဆုံးသို့

Twitter Delicious Facebook Digg Stumbleupon Favorites More